Um kosningarnar í Íran

Fyrir tölfræðinirði, af defaultrisk.com.

Þrjár skýrslur um kosninganiðurstöðurnar, ásamt grunngögnum. Ég copy-peista þetta skammarlaus:

 

Data Sources: all of which were downloaded on 1-Jul-2009:

 

نتايج آرا به تفكيك استان و شهرستان.xls (original name)
Results_of_vote_separated_by_city_and_province.xls (renamed for ZIP file compatibility)
Was downloaded from:
http://www.moi.ir/Portal/File/ShowFile.aspx?ID=0793459f-18c3-4077-81ef-b6ead48a5065.

 

ostan.xls
Was downloaded from:
http://www.moi.ir/ostan.xls.

 

ran20052.txt
Was downloaded from:
http://psephos.adam-carr.net/countries/i/iran/iran20052.txt

Other potential sources of data:

 

http://moi.ir/Portal/Home/ShowPage.aspx?Object=News&ID=3a120d23-ac85-4ce8-9312-74f62edc27e4&LayoutID=b05ef124-0db1-4d33-b0b6-90f50139044b&CategoryID=832a711b-95fe-4505-8aa3-38f5e17309c9

 

http://www.shora-gc.ir/portal/siteold/amar/reyast%20jomhoriy/entekhabat%209/

 

http://www.idea.int/vt/country_view.cfm?CountryCode=IR

 

http://www.sci.org.ir/content/userfiles/_sci_en/sci_en/sel/year85/f2/

 

 

Locations of Research Papers:

 

Preliminary Analysis of the Voting Figures in Iran's 2009 Presidential Election

 

Benford's Law anomalies in the 2009 Iranian presidential election

 

Note on the presidential election in Iran, June 2009

 

 

 

 


Meira um sekt

Til er skýrsla eftir hollenska lagaprófessora – Adrienne deMoor-VanVogt og Edgar dePerron – til neðri deildar hollenska þingsins um Icesave-málið. Í þessari skýrslu er sýnt fram á, að hollensk yfirvöld lögðu hart að íslenskum stjórnvöldum að færa Icesave-reikningana inn í hollenska lögsögu og undir fullkomna bótaskyldu hollenskra yfirvalda, áður en verra hlytist af. Hollensk yfirvöld voru m.ö.o. fús til að taka ábyrgðina yfir á sig og þar með að forða áhættu af áhlaupi á banka, sem gæti hlotist af vantrausti á getu íslenskra stjórnvalda (seðlabanka og ríkisstjórnar) til að standa við margítrekaðar yfirlýsingar um ábyrgð þeirra á innistæðutryggingum íslenskra banka.

Hverjir komu í veg fyrir þetta? Landsbanki Íslands með fulltingi íslenskra stjórnvalda. Sama máli gegnir um breska fjármálaeftirlitið. Það bauðst ítrekað til að taka ábyrgðina af íslenska Landsbankaævintýrinu yfir á sig. Landsbankinn neitaði, af því að forsprakkarnir vissu að þar með yrðu þeir settir undir hart eftirlit og gætu þ.a.l. ekki misnotað aðstöðuna í þágu eigenda Landsbankans og eignarhaldsfélaga þeirra. Hversu oft ætla þeir sem bera alla ábyrgð á óförum íslensku þjóðarinnar í þessu máli – þeir hinir sömu og gátu komið í veg ódæðið – að endurtaka ásakanir sínar um, að þetta sé allt Bretum og Hollendingum að kenna?

 

 Segir Jón Baldvin á jbh.is. Íslensk stjórnvöld héldu því ítrekað fram í bréfum og símtölum til Breskra og Hollenskra stjórnvalda, og í viðtölum við erlenda fjölmiðla, að íslenska ríkið gæti sjálft borið ábyrgð á þessum reikningum. Svo furða menn sig á því að samningamenn þessarra landa hafi sýnt hörku í viðræðunum um Icesave lánið. 

 

 


Kosningasvindl

Samkvæmt þessu var kosningaþátttaka í vissum héröðum Írans vel yfir 100%, og stórsigur Ahmadinejeads meðal annars byggður á gríðarlegum vinsældum meðal kjósenda sem venjulega styðja 'frjálslynda' frambjóðendur.

 


Vídeóupptökur úr mótmælum

Þetta er sagt vera úr mótmælunum (mjög átakanlegar myndir, ekki fyrir viðkvæma):

http://iran.whyweprotest.net/videos/

Ef rétt er, þá er notað fleira en vatnsbyssur, kylfur og táragas. 


mbl.is Óeirðir á götum í Teheran
Tilkynna um óviðeigandi tengingu við frétt

Velþóknun

 Ég held áfram að gera orð annarra að mínum, nú Lára Hanna Einarsdóttir:

Icesave-samningurinn er ekki flokkspólitískt mál heldur þverpólitískt eða ópólitískt. Hann er harmleikur þjóðar, afleiðing taumlausrar græðgi nokkurra siðlausra manna og meðvirkra meðreiðarsveina sem kunnu sér ekkert hóf. Og spilltra, vanhæfra og sinnulausra stjórnmála- og embættismanna. Það er fáránlegt að einhverjir flokkar, einkum þeir sem eru í raun arkitektar hrunsins, eigni sér andstöðu við samninginn.

 


Vel orðað

Þór Saari talar á alþingi um 

að velta skuldum einkaaðila, svokallaðra útrásarvíkinga, yfir á almenning í landinu sem stofnaði ekki til þeirra skulda. Það er algjörlega óásættanlegt. Það er algjörlega óréttlátt og algjörlega siðlaust. Mér býður einfaldlega við þeirri hugsun að menn vogi sér að taka slíkar ákvarðanir og velta þessu yfir á almenning í landinu, á börnin okkar og barnabörnin.

Vandinn er þó að það virðist vera sem þessi ákvörðun hafi verið tekin fyrir nokkrum árum síðan. En ég er allavega fullkomlega sammála lýsingunni. 

 


Tuðað fyrir eftirmælunum

Mér virðist þessi ræða Geirs hafa það markmið helst, að kenna ESB um hrunið á Íslandi. Regluverk EES meingallað og svona. Það gleymist í þeirri frásögn, að fjármálaeftirlitið á Íslandi hefði hæglega getað þvingað Landsbankann til þess að hafa Icesave í dótturfyrirtækjum. Einfalt hefði verið að gera eins og breska fjármálaeftirlitið gerði við breskt dótturfyrirtæki Kaupþings stuttu fyrir hrun: auka bindiskylduna upp í 90% eða láta binda öll innlán á reikningi í seðlabankanum. Ef það hefði verið gert væri ekkert Icesave að fara að ríða Íslandi eins og mara næstu áratugi. 

Eftirmæli Geirs eru og munu alltaf verða, að hann var fjármálaráðherra og forstætisráðherra í þeim ríkisstjórnum sem lögðu grunninn að stærsta hruni, dýpstu kreppu og mesta skuldafeni sem Ísland hefur orðið vitni að. Skólarnir, dagvistunin, heilbrigðisþjónustan, elliheimilin og allir innviðir samfélagsins munu fúna, og líf fjölmargra íslendinga munu verða sífellt stress og peningaáhyggjur, meðal annars vegna þess að Geir Hilmar Haarde stóð sig eins illa í sínu starfi og hugsanlegt var, og brást því trausti sem honum var sýnt á svo yfirþyrmandi hátt. Geir: hættu að tuða yfir ESB, og biðstu afsökunar.

Ein ástæða þess að bankar hafa erlenda starfsemi í útibúum í stað dótturfyrirtækja er að þá eru færri og einfaldari reglur að fylgja, og það er miklu auðveldara að eiga við eitt fjármálaeftirlit en mörg. Kerfið gerir bönkum kleift að "shoppa" eftir auðsveipasta fjármálaeftirlitinu, og láta það hafa með sér eftirlit. Það bendir allt til þess að Landsbankinn hafi ekki þurft að leita neitt sérstaklega lengi, og það var alveg ábyggilega engin tilviljun. 

 


mbl.is Nýjar ESB-reglur um bankakerfið ganga ekki nógu langt
Tilkynna um óviðeigandi tengingu við frétt

Undanþágusamfélagið

Svar til Viðars á this.is/nei um þetta efni:

Breska og Hollenska ríkið eru búin að ábyrgjast of fjár úr þessu bankaráni. Þeim ber engin skylda til þess, því síður til þess að ábyrgjast meira, hvorki siðferðileg eða lagaleg. Það voru hvorki Bretar né Hollendingar sem leyfðu þennan þjófnað, fögnuðu honum, mærðu og ábyrgðust. Það voru lýðræðislega kjörin stjórnvöld á Íslandi, með velþóknun og velvilja alls almennings.

Íslendingar líta á sig sem þjóð, fullvalda ríki, jafningja annarra ríkja, sem vill sitja með við borðið í alþjóðasamfélaginu. Allavega þegar á að panta og borða, en þegar kemur að því að greiða reikninginn þá eiga allir hinir að skipta honum með sér. Eitt ríkasta land í heimi - við erum ennþá í þeim hópi - heimtar sífelldar undanþágur og ölmusur: hvort sem það heitir Kyotobókun eða Icesave, alltaf þykjumst við vera svo spes, hafa svo mikla “sérstöðu”, eins og okkar kolefni mengi minna, og okkar ábyrgðir og skuldbindingar þýði ekki neitt.

‘Útrásarvíkingarnir’ fóru ránsferð um Bretland og Norður Evrópu á okkar vegum, með okkar leyfi og velþóknun. Það getur verið að við tveir höfum ekki haft á þeim sérstaka velþóknun, en þannig er fulltrúalýðræðið: fulltrúarnir skuldbinda alla hina. Það dugar ekki að kenna öllum hinum um: “regluverk ESB var gallað”, “hryðjuverkalögin skemmdu svo fyrir okkur”.

Nú virðumst við þurfa að sætta okkur við að þetta gangi ekki lengur.

Spurt er um afleiðingar þess að borga ekki. Ég þekki þær ekki, það þekkir þær væntanlega enginn. En af hverju var hryðjuverkalögunum beitt? Breska ríkisstjórnin hefur þessa skýringu, í þýðingu moggans:

„Í tengslum við útibú Landsbankans í Bretlandi, þrátt fyrir yfirlýsingar íslensku ríkisstjórnarinnar um að hún myndi uppfylla skyldur sínar (samkvæmt innistæðutryggingarkerfi framkvæmdanefndar Evrópusambandsins) gagnvart innistæðueigendum í því útibúi, þá tókst bresku ríkisstjórninni ekki að fá skýr svör um hvernig Ísland ætlaði að gera það framkvæmanlegt… Bresk stjórnvöld gripu til þessara aðgerða í ljósi þessara áhyggna,”

Bresku ríkisstjórninni tókst ekki að fá “skýr svör” um það hvernig sú íslenska hyggðist borga Icesave-skuldirnar, og færði þá Ísland allt á lista yfir hryðjuverkamenn. Það hefur væntanlega enginn séð það fyrir að þessi skortur á “skýrum svörum” myndi hafa þær afleiðingar, svo það er víst borin von að hægt sé að geta sér til um hvaða afleiðingar skýrt svar um að við neitum að borga myndi hafa.


mbl.is Bresk stjórnvöld verja hryðjuverkalögin
Tilkynna um óviðeigandi tengingu við frétt

Ættleiðing samkynhneigðra í dýraríkinu

Það er greinilega útbreitt í dýraríkinu að pör dýra af sama kyni ali upp afkvæmi saman. Því er annars stundum haldið fram að það  gangi gekk "náttúrunni" eða "hinu eðlilega" að hommar og lesbíur ali upp börn. Kaþólska kirkjan notar hugtakið "natural law". Ætli margir strangtrúaðir kristnir þurfi ekki að endurskoða afstöðu sína til þess hvað er "náttúrulegt" og "eðlilegt"?

Politiken


Tilskipun um innistæðutryggingar

Umræðan um það hvort ríkinu beri að tryggja icesave reikningana er merkileg. Miðað við hversu margir hafa skoðun á tilskipun ESB um innistæðutryggingar skyldi maður halda að þennan tengil væri víðar að finna.  Skoðun Stefás Más og fleirri virðist vera að með því að setja upp innistæðutryggingarsjóð sé búið að uppfylla kröfur tilskipunarinnar. Ég sé því ekki stað í lagatextanum, en skal svosem heldur ekki gera mér upp mikla þekkingu á evrópurétti.

Skv. síðasta ársreikningi Tryggingarsjóðs voru eignir hans (og eigið fé, því skuldirnar voru nánast engar) rúmlega 8 milljarðar. Á sama tíma var Landsbankinn einn með um 1500 milljarða í innlán. Ég veit ekki hversu stór hluti þess fjár féll undir innistæðutryggingar, en það er allavega augljóst að þessir 8 milljarðar hefðu heldur ekki hrokkið til þó Landsbankinn einn hefði farið á hausinn. 

Í tilskipuninni stendur að meðlimsríkjum EES beri að sjá til þess að innistæður í bönkum séu tryggðar með amk. 20.000 ECU á mann. Það er lágmarksupphæð. Það stendur ekkert um að það megi ákveða einhverja heildarupphæð og sem takmarki trygginguna við lægri upphæð en lágmarkið.

Það sem Stefán vísar til er þetta: "this Directive may not result in the Member States' or their competent authorities' being made liable in respect of depositors if they have ensured that one or more schemes guaranteeing deposits or credit institutions themselves and ensuring the compensation or protection of depositors under the conditions prescribed in this Directive have been introduced and officially recognized"

Spurningin er þá hvort tryggingarsjóður sem aldrei hefur átt nokkra von um að tryggja innistæður í stóru, íslensku bönkunum teljist vera nægjanlegur til þess að uppfylla kröfur tilskipunarinnar. Ég hef enga trú á því. Mér finnst það raunar svo fráleitt að það sé furðulegt að nokkur maður haldi því fram í alvöru. Kröfurnar eru:

Article 4

1. Deposit-guarantee schemes introduced and officially recognized in a Member State in accordance with Article 3 (1) shall cover the depositors at branches set up by credit institutions in other Member States.

Article 7

1. Deposit-guarantee schemes shall stipulate that the aggregate deposits of each depositor must be covered up to ECU 20 000 in the event of deposits' being unavailable...

4. Member States may limit the guarantee provided for in paragraph 1 or that referred to in paragraph 3 to a specified percentage of deposits. The percentage guaranteed must, however, be equal to or exceed 90 % of aggregate deposits until the amount to be paid under the guarantee reaches the amount referred to in paragraph 1.

Ég skil 7.4 þannig að ef hlutfallsleg skerðing tryggingarinnar eigi að koma til, þá megi aldrei skerða hana meira en svo að innistæður séu 90% tryggðar eða 18.000 ECU. 


mbl.is Ósáttur við Icesave-lausn
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband